भारतको बिहार राज्यका मुख्यमन्त्री नीतीश कुमारले पदबाट राजीनामा दिनुभएको छ ।
उहाँले राज्यपालसमक्ष राजीनामा बुझाएको भारतीय सञ्चारमाध्यमहरूले जनाएका छन् ।
राजीनामापछि मुख्यमन्त्री कुमारले सामाजिक सञ्जाल ‘एक्स’ मार्फत वक्तव्य जारी गर्दै सबैप्रति धन्यवाद व्यक्त गर्नुभएको छ । उहाँले आफ्नो कार्यकालमा सहयोग गर्ने सबैप्रति आभार प्रकट गर्दै पदबाट अलग हुने निर्णय लिएको जानकारी दिनुभएको हो ।
साथै, उहाँले नयाँ बन्ने सरकारलाई पूर्ण सहयोग र आवश्यक मार्गदर्शन प्रदान गर्ने प्रतिबद्धता व्यक्त गर्नुभएको भारतीय सञ्चारमाध्यमहरूले उल्लेख गरेका छन् ।
यसैबीच, सम्राट चौधरी बिहारको नयाँ मुख्यमन्त्री बन्ने बताइएको छ । भारतीय जनता पार्टी (भाजपा) को नेतृत्वमा पहिलो पटक बिहारमा सरकार गठन हुन लागेको जनाइएको छ ।
