पूर्वसभामुख कृष्णबहादुर महरा विरुद्ध अख्तियार दुरुपयोग अनुसन्धान आयोग ले भ्रष्टाचार मुद्दा दर्ता गर्ने प्रक्रिया अघि बढाएको छ। मुद्दा दर्ताका लागि आयोगको टोली विशेष अदालत पुगेको छ।
अख्तियारले महराविरुद्ध विद्युतीय चुरोट (भेप) मार्फत सुन तस्करी गरेको अभियोगमा मुद्दा दायर गर्न लागेको हो। सम्बन्धित कागजातसहित अख्तियारका कर्मचारीहरू हाल विशेष अदालतमा उपस्थित भई विवरण रुजु गर्ने काम भइरहेको स्रोतले जनाएको छ।
अनुसन्धानका क्रममा नेपाल कम्युनिस्ट पार्टी (नेकपा) का नेता समेत रहेका महराको चिनियाँ नागरिकसँगको सम्बन्ध र भेपमार्फत हुने सुन तस्करी कारोबारमा संलग्नता खुलेपछि आयोगले मुद्दा दायर गर्ने निर्णय गरेको हो।
अख्तियारको यो कदमसँगै महराविरुद्धको प्रकरणले नयाँ मोड लिएको छ।
