प्रधानमन्त्री बालेन्द्र शाहले आज विभिन्न देशका राजदूतहरूसँग सामूहिक भेटवार्ता गर्ने भएका छन्।
परराष्ट्रमन्त्री शिशिर खनालको सहभागितामा आयोजना गरिएको उक्त संवाद कूटनीतिक अभ्यासमा नयाँ परम्परा स्थापित गर्ने उद्देश्यले तय गरिएको जनाइएको छ। भेटवार्ता आज दिउँसो १२ बजे सिंहदरबारस्थित प्रधानमन्त्री तथा मन्त्रिपरिषद्को कार्यालयमा हुने कार्यक्रम छ।
यसअघि प्रधानमन्त्री नियुक्त भएपछि विदेशी राजदूतहरूसँग एक्लाएक्लै भेट गर्ने प्रचलन रहेको थियो। तर यसपटक सामूहिक रूपमा संवाद आयोजना गरिनु कूटनीतिक दृष्टिले नयाँ अभ्यासका रूपमा हेरिएको छ।
भेटवार्तामा प्रधानमन्त्री तथा मन्त्रिपरिषद् कार्यालयका वरिष्ठ अधिकारीहरूको पनि सहभागिता रहनेछ। बैठकका लागि भारत, पाकिस्तान, बंगलादेश, इजरायल, अमेरिका तथा बेलायतलगायत विभिन्न देशका राजदूतहरू सिंहदरबार पुगेका छन्।
