काठमाडौं — अन्तर्राष्ट्रिय बजारमा आज कच्चा तेलको मूल्य केही घटेको छ। आपूर्ति बढ्नु तथा अपेक्षाभन्दा धेरै भण्डारण वृद्धि हुनु मूल्य घट्नुको प्रमुख कारण मानिएको छ।
अमेरिकी पेट्रोलियम इस्टिच्युट का अनुसार अमेरिकामा कच्चा तेलको भण्डारण उल्लेखनीय रूपमा बढेको छ। मार्च १३ तारिखसम्मको तथ्याङ्कअनुसार भण्डारण ६.५६ मिलियन ब्यारेलले बढेको छ, जबकि यसअघि करिब ३ लाख ८० हजार ब्यारेल मात्र वृद्धि हुने अनुमान गरिएको थियो।
अन्तर्राष्ट्रिय मापदण्डको तेलको मूल्य प्रति ब्यारेल १.१५ डलरले घटेर १०२.२७ डलरमा झरेको छ भने अमेरिकी मापदण्डको तेलको मूल्य १.५४ डलरले घटेर ९४.६७ डलर प्रति ब्यारेलमा पुगेको छ।
रोयटर्स का अनुसार अपेक्षाभन्दा धेरै भण्डारण बढेपछि बजारमा आपूर्ति बढी देखिँदा मूल्यमा गिरावट आएको हो।
यसैबीच, इराकले टर्कीको सिहान बन्दरगाहमार्फत् तेल निर्यात पुनः सुरु गर्ने सहमति गरेको छ भने लिबियाको राष्ट्रिय आयल कर्पोरेशनले आगलागीका बाबजुद पनि उत्पादन निरन्तर रहेको जनाएको छ।
विश्लेषकहरूका अनुसार हाल आपूर्ति वृद्धि र उच्च भण्डारणका कारण मूल्य घटे पनि भूराजनीतिक तनावका कारण आगामी दिनमा तेलको मूल्यमा उतारचढाव आउन सक्ने सम्भावना रहेको छ।
