फिल्म जगतमा डेटिङ र ब्रेकअपको हल्ला फैलिनु सामान्य हो। बेलाबखत धेरै कलाकारहरुको निकटताको भिडिओ सामाजिक सञ्जालमा भाइरल भइरहन्छ।
यसैबीच, ‘सन अफ सरदार २’ की अभिनेत्री मृणाल ठाकुरको बारेमा एक खबर बाहिरिएको छ। मृणालले हालै अगस्ट १ मा आफ्नो जन्मदिन मनाइन्। यसको एउटा भिडियो इन्टरनेटमा भाइरल भइरहेको छ जसमा धनुष पनि उनीसँगै देखिएका छन्।
भाइरल भिडियोमा धनुषले मृणालको हात समातेको देख्न सकिन्छ। र, दुवै जना कुरा गरिरहेको हुन्छन्। मृणालले उनको कानमा केही भनिरहेको पनि देखिन्छ।
त्यस्तै, धनुष मृणालको पछिल्लो फिल्म ‘सन अफ सरदार २’ को स्क्रिनिङमा सहभागी हुन अजय देवगनसँगै मुम्बई आएपछि हल्लाले थप बल मिल्यो। एक प्रयोगकर्ताले ‘के धनुष र मृणाल ठाकुर डेटिङ गरिरहेका छन्’ क्याप्सनसहित भिडिओ सेयर गरेपछि सामाजिक सञ्जालमा भाइरल भयो।
हालैको एक कुराकानीमा मृणालले यसबारेमा खुलासा गरेकी छिन्। आफ्नो करिअरको बारेमा धेरै सावधानीपूर्वक निर्णय लिने उनको भनाइ छ।
उनले भनिन्, ‘मेरो करिअरमा अझै धेरै गर्न बाँकी छ, धेरै कुराहरू छन् जसमा मैले अहिलेसम्म काम गरेको छैन। तर, म ती कुराहरूको बारेमा तब मात्र कुरा गर्नेछु जब म वास्तवमा गर्छु, किनकि म तिनीहरूको बारेमा कुरा गरेर यसलाई बिगार्न चाहन्न। म नजर वाली बात (नजर लगती है) मा विश्वास गर्छु।’
धनुषको पहिलो विवाह रजनीकान्तकी छोरी ऐश्वर्यासँग भएको थियो। तर, बिहे भएको १८ वर्ष २०२२ मा दुवैले अलग हुने निर्णय गरे। सन् २०२४ मा सम्बन्ध विच्छेद गरेका धनुषको दुई सन्तान छन्।
