२३ असार, काठमाडौं । पूर्वराजा ज्ञानेन्द्र शाहले आज आफ्नो ७९औँ जन्मोत्सव मनाएका छन् ।
यस अवसरमा सर्वसाधारण र शुभेच्छुकहरूलाई शुभकामना तथा अभिवादन व्यक्त गर्नका लागि उनको निजी निवास निर्मल निवास खुला गरिएको छ। पूर्वराजाको संवाद सचिवालयका अनुसार, बिहान ११ बजेदेखि दिउँसो २ बजेसम्म निर्मल निवास सर्वसाधारण, शुभेच्छुक तथा विभिन्न संघसंस्थाका प्रतिनिधिका लागि खुला गरिएको छ ।
यस क्रममा राप्रपाका अध्यक्ष राजेन्द्र लिङदेन लगायतका राजावादीहरु तथा राजावादी संघ–संगठनका कार्यकर्ताका साथै ठूलो संख्यामा सर्वसाधारणसमेत पूर्वराजालाई जन्मोत्सवको शुभकामना दिन लामबद्ध देखिएका थिए।
