काठमाण्डाै – सरकारले लागूऔषध नियन्त्रणका लागि छुट्टै विभाग स्थापना गर्ने भएको छ । लागूऔषध दुरुपयोग तथा अवैध ओसारपसारविरुद्धको अन्तर्राष्ट्रिय दिवसका अवसरमा आज आयोजित कार्यक्रममा दिइएको जानकारी अनुसार आउँदाे वर्षमा विभाग स्थापना गरिने छ ।
कार्यक्रममा गृहमन्त्री रमेश लेखकले लागूऔषध नियन्त्रणका लागि आउँदाे वर्षमा छुट्टै विभाग स्थापना गर्न लागेको बताउनुभयो । उहाँले लागूऔषध नियन्त्रण सरकारको उच्च प्राथमिकतामा रहेको बताउनुभयो ।
यस्तै कार्यक्रममा प्रहरी महानिरीक्षक दीपक थापाले सबैको ऐक्यबद्धता भए लागूऔषध दुर्व्यसनी नियन्त्रण गर्न सफल हुने बताउनुभयाे । नेपाल प्रहरीले काठमाण्डाै उपत्यका प्रहरी कार्यालयले काठमाण्डाै उपत्यकाभर लागूऔषध रोकथाम र नियन्त्रणको अभियानलाई सशक्त ढङ्गले अघि बढाइरहेको उहाँकाे भनाइ छ ।
