काठमाडौं — हप्ताको पहिलो दिन नेपाली बजारमा सुन र चाँदी दुवैको भाउ घटेको छ।
नेपाल सुनचाँदी व्यवसायी महासङ्घका अनुसार आज सुनको भाउ तोलामा ४ हजार ८०० रुपैयाँले घटेर तोलाको ३ लाख ९ हजार ४०० रुपैयाँमा कारोबार भइरहेको छ।
यसअघि गएको शुक्रवार सुनको भाउ तोलाको ३ लाख १४ हजार २०० रुपैयाँ पुगेको थियो। पछिल्ला तीन कारोबार दिनदेखि सुनको मूल्य लगातार घट्दै आएको महासङ्घले जनाएको छ।
त्यस्तै आज चाँदीको भाउ पनि घटेको छ। चाँदी तोलामा २२५ रुपैयाँले घटेर तोलाको ५ हजार २७० रुपैयाँमा कारोबार भइरहेको छ।
सुनजस्तै चाँदीको भाउ पनि पछिल्ला तीन कारोबार दिनदेखि लगातार ओरालो लागिरहेको छ। अन्तर्राष्ट्रिय बजारको मूल्य उतारचढाव र विनिमय दरको प्रभावका कारण नेपाली बजारमा सुनचाँदीको भाउ परिवर्तन हुने गर्दछ।
