जेठ ८- पाँच पटकको च्याम्पियन मुम्बई इण्डियन्स मुम्बई इन्डियन्स् आइपीएलको प्ले अफमा पुगेको छ।
गएराति भएको खेलमा दिल्ली क्यापिटल्सलाई ५९ रनले पराजित गरेसँगै प्ले अफ पुग्ने चार टिमको टुंगो लागेको हो।
यसअघि गुजरात टाइटन्स, रोयल च्यालेन्जर्स बैगलुरु र पन्जाब किङ्स प्ले अफमा पुगिसकेका छन्। हारपछि दिल्ली लिग चरणबाट बाहिरिएको छ।
जितका लागि १ सय ८१ रनको चुनौती पछाएको दिल्ली १८ दशलमव २ ओभरमा १ सय २१ रनमा अल आउट भयो। कमजोर सुरुवात गरेको मुम्बईका कप्तान फाप डु प्लेसिस र अभिषेक पोरेल समान ६ रनमा आउट भए।
केएल राहुल पनि ११ रनमा समेटिए। ३ विकेटको नोक्सानीमा दिल्लीले २७ रन मात्र बनायो। प्ले अफ पुग्न जित्नैपने यो खेलमा दिल्लीका ब्याटरले निराशाजनक प्रदर्शन गरे।
समिर रिज्भीले सर्वाधिक ३९ रन बनाए। विपराज निगमले २० र आशुतोष शर्माले १८ रन जोडे। अन्यले दोहोरो अंकमा रन छुन सकेनन्।
बलिङमा मिचेल स्यान्टनरले ४ ओभर बलिङ गर्दै मात्र ११ रन दिएर महत्वपूर्ण ३ विकेट लिए। जसप्रति बुमराहले ३ ओभर २ बलमा १२ रन खर्चेर ३ विकेट नै लिए।
त्यसअघि टस हारेर ब्याटिङ गरेको मुम्बईले सूर्यकुमार यादवको अर्धशतकमा १ सय ८० रन बनाएको थियो।
५८ रन जोड्दा ३ विकेट गुमाई सकेको मुम्बईका लागि सूर्यकुमार र तिलक बर्माले उकासेका थिए। उनीहरुले चौथो विकेटका लागि ५५ रनको साझेदारी गरे।
४३ बल खेलेका सूर्यकुमारले ७ चौका र ६ चौकामा नटआउट सर्वाधिक ७४ रन बनाए। तिलकले २७, ओपनर रायन रिकिल्टनले २५, अर्का ओपनर रोहित शर्माले ५ , कप्तान हार्दिक पाण्डेयले ३ रन जोडे।
नमन धिरले नटआउट २७ रन बनाए।
बलिङमा मुकेश कुमारले २ विकेट लिए। जितमा मुम्बईले १३ खेलबाट १७ अंक बनायो। दिल्लीसँग १३ अंक मात्र छ।
यो पटक दिल्लीसँगै कोलकाता नाइट राइडर्स, लखनउ सुपर जाइन्ट्स, सनराइजर्स हैदराबाद, राजस्थान रोयल्स र चेन्नई सुपर किङ्स लिग चरणबाट बाहिरिएका छन्।
लिग चरणमा अझै सात खेल बाँकी छन्।
