लालबाबु सिंह १३ असोज बिरगंज ।
बिन्दवासिनी गाउँपालिका द्वारा सभा हलमा आज समुदाय स्तरीय संवाद कार्यक्रम सम्पन्न भएको छ।
दलित महिला संघ (DMS) को आयोजना तथा Woman Fund Asia को सहयोगमा आयोजित “महिला नेतृत्वको लागि अभियान परियोजना” अन्तर्गत उक्त संवाद कार्यक्रमको आयोजन भएको हो।
बिन्दबासिनी गाउँपालिकामा मा दलित महिला संघ पर्सा को आयोजनामा संचालित महिला नेतृत्वका लागि अभियान परियोजना अन्तर्गत गाउँपालिका उपाध्यक्ष आदरणीय ज्योति देबि चौरसिया ज्युको अध्यक्षतामा ” जात ,नारिवाद, लैंगिक समानता अन्तर सम्बन्धि तथा स्थानीय समस्या बारे”समुदाय स्तरीय सम्वाद कार्यक्रम सम्पन्न गरियो ।
सो कार्यक्रमको अध्यक्षता विन्दवासिनी गापा उपाध्यक्ष ज्योति देबि चौरसिया ,अतिथीहरु महिला तथा बालबालिका सेवा केन्द्रका कौसलया कुमारी, कुमारी बिन्दु देवि दलित महिला संघ पर्साका कोषाध्यक्ष संगीता दास लगायत स्थानिय दलित महिला,युवा एवं अगुवाहरुको सहभागिता रहेको थियो ।
सो अवसरमा संस्था को कार्यकारि निर्देशक निला रामले प्रशिक्षण दिएका थिए जसमा ३७ जना को सहभागीता रहेको थियो ।
सो प्रशिक्षण कार्यक्रमको संवादमा प्रशिक्षक रामले जात, नारीवाद, लैङ्गिक समानता अन्तर सम्बन्धी तथा स्थानीय स्तरमा महिलाले भोग्दै आएका समस्याका विषयमा वृहत् रुपले छलफल गरिएको बताइएको हो ।
बिन्दवासिनी गापा उपाध्यक्ष चौरसियाले हाम्रो समाजमा महिला सशक्त नभए सम्म समाज र देश बलियो नहुने बताउदै समाजमा रहेको जातीय विभेद, लैङ्गिक असमानता र महिलामाथि हुने हिंसाको अन्त्यका लागि महिला नेतृत्व विकास आवश्यक रहेकोमा जोड दिएका थिए।
