काठमाडौं — राष्ट्रिय स्वतन्त्र पार्टी (रास्वपा) ले नयाँ सरकार गठनको तयारीलाई तीव्र बनाउँदै मन्त्रीहरूको प्रारम्भिक सूची टुंग्याएको छ। पार्टी स्रोतका अनुसार विभिन्न मन्त्रालयका लागि प्रमुख नेताहरूको नाम लगभग निश्चित गरिएको हो।
स्रोतका अनुसार अर्थ मन्त्रालयको जिम्मेवारी स्वर्णिम वाग्ले लाई दिइने भएको छ भने परराष्ट्र मन्त्रीमा शिशिर खनाल चयन भएका छन्। ऊर्जा मन्त्रालय विराजभक्त श्रेष्ठ र गृह मन्त्रालय सुदन गुरूङ लाई दिने तयारी छ।
त्यस्तै, सामान्य प्रशासन मन्त्रालय प्रतिभा रावल ले सम्हाल्नेछिन् भने उद्योग मन्त्रालय अमरेश सिंह लाई दिइने भएको छ। कानुन मन्त्रालय सोबिता गौतम को जिम्मामा जाने भएको छ।
स्वास्थ्य तथा खानेपानी मन्त्रालय निशा मेहता लाई, भौतिक पूर्वाधार मन्त्रालय सुनिल लम्साल लाई तथा महिला, बालबालिका मन्त्रालय सीता वादी लाई दिने निर्णय भएको छ। शिक्षा, विज्ञान तथा प्रविधि मन्त्रालयमा सस्मित पोखरेल लाई जिम्मेवारी दिइने भएको छ।
यसैगरी, नुवाकोट–१ बाट निर्वाचित विक्रम तिमिल्सिना सञ्चार तथा सूचना मन्त्री बन्ने भएका छन् भने महोत्तरीका दीपक साह श्रम मन्त्री बन्ने निश्चित भएको छ।
यसबीच, रामचन्द्र पौडेल ले वरिष्ठ नेता बालेन शाह लाई प्रधानमन्त्रीमा नियुक्त गरिसकेका छन्। नयाँ मन्त्रिपरिषद् विस्तारको प्रक्रिया जारी रहेको र बाँकी मन्त्रीहरूको नाम पनि छिट्टै टुंगो लाग्ने जनाइएको छ।
