नेपालमा आज सुन र चाँदी दुवैको भाउ घटेको छ। नेपाल सुनचाँदी व्यवसायी महासंघका अनुसार आज सुनको मूल्य प्रतितोला २ हजार ९ सय रुपैयाँले घट्दै २ लाख ८५ हजार ६ सय रुपैयाँ कायम भएको छ।
अघिल्लो दिन सुन प्रतितोला २ लाख ८८ हजार ५ सय रुपैयाँमा कारोबार भएको थियो। यसरी हेर्दा विगत एक सातामा मात्रै सुनको भाउ कुल १६ हजार ७ सय रुपैयाँले घटेको छ। गत बिहीबार सुनको मूल्य ३ लाख २ हजार ३ सय रुपैयाँ रहेको थियो।
त्यसैगरी, चाँदीको मूल्य पनि आज घटेको छ। अघिल्लो दिनको तुलनामा चाँदी प्रतितोला १ सय रुपैयाँले घट्दै ४ हजार ८२० रुपैयाँमा झरेको छ। हिजो चाँदी ४ हजार ९२० रुपैयाँमा कारोबार भएको थियो भने गत बिहीबार यसको मूल्य ५ हजार १० रुपैयाँ थियो।
हाल अन्तर्राष्ट्रिय बजारको प्रभाव र माग–आपूर्तिको अवस्थाका कारण बहुमूल्य धातुको मूल्यमा उतारचढाव देखिएको बताइएको छ।
