काठमाडौं — हप्ताको अन्तिम दिन सुनको भाउ २ हजार ८ सय रुपैयाँले घटेको छ। नेपाल सुनचाँदी व्यवसायी महासंघका अनुसार आज सुन तोलाको ३ लाख १४ हजार २ सय रुपैयाँमा कारोबार भइरहेको छ।
त्यस्तै, चाँदीको मूल्य पनि घटेर तोलाको ५ हजार ४ सय ९५ रुपैयाँमा पुगेको छ। हिजो चाँदीको भाउ तोलाको ५ हजार ५ सय १५ रुपैयाँ रहेको थियो।
विशेषज्ञहरूले सुन र चाँदीको भाउमा आएको घटबढ अन्तर्राष्ट्रिय बजारमा आएको उतारचढाव र घरेलु माग–आपूर्तिको असरले भएको बताएका छन्।
