इजरायल र अमेरिकाको संयुक्त आक्रमणमा इरानको Islamic Revolutionary Guard Corps (आईआरजीसी) का गुप्तचर प्रमुख माजिद खादेमी मारिएका छन्।
आईआरजीसीले विज्ञप्ति जारी गर्दै आफ्ना गुप्तचर प्रमुख खादेमी मारिएको पुष्टि गरेको हो। इजरायली रक्षामन्त्री इजरायल काट्ज तथा Israel Defense Forces (आईडीएफ) ले उक्त कारबाहीको जिम्मेवारी लिएको अन्तर्राष्ट्रिय सञ्चारमाध्यमहरूले जनाएका छन्।
खादेमी गत वर्ष जुनमा भएको १२ दिने द्वन्द्वपछि गुप्तचर प्रमुख नियुक्त भएका थिए। उक्त द्वन्द्वका क्रममा इजरायली आक्रमणमा पूर्व गुप्तचर प्रमुख मोहम्मद काजेमी मारिएपछि उनले जिम्मेवारी सम्हालेका थिए।
खादेमीले गत जनवरीमा भएको सरकारविरोधी प्रदर्शनमा अमेरिका, इजरायललगायत १० देशका गुप्तचर निकायको संलग्नता रहेको आरोप लगाएका थिए।
यसअघि फेब्रुअरी २८ मा इजरायल र अमेरिकाले इरानमाथि संयुक्त आक्रमण गर्दै सर्वोच्च नेता आयतोल्लाह अली खामेनी सहित उच्च तहका अधिकारीहरूलाई लक्षित कारबाही गरेको दाबी गरिएको थियो।
पछिल्लो घटनाले मध्यपूर्व क्षेत्रमा तनाव थप चुलिएको छ भने अन्तर्राष्ट्रिय समुदायले स्थिति नजिकबाट निगरानी गरिरहेको छ।
