काठमाडौं,— राष्ट्रिय स्वतन्त्र पार्टी (रास्वपा)ले प्रतिनिधि सभा निर्वाचनमा जितको खाता खोलेको छ। भर्खरै सम्पन्न मतगणनाको अन्तिम परिणामअनुसार रास्वपा उम्मेदवार रञ्जु न्यौपाने (दर्शना) १५ हजार ४५५ मतसहित विजयी भएकी छन्।
उनकी निकटतम प्रतिद्वन्द्वी नेपाली कांग्रेसका प्रबल थापाले ६ हजार ३६४ मत प्राप्त गरेका छन्। अघिल्ला दुई निर्वाचनमा झिनो मतान्तरले पराजित हुँदै आएका राष्ट्रिय प्रजातन्त्र पार्टी (राप्रपा)का रवीन्द्र मिश्रले भने ३ हजार ९७२ मत मात्रै प्राप्त गरे।
यसैगरी नेकपा (एमाले)का मोहनराज रेग्मीले १ हजार ६१८ मत पाएका छन् भने नेपाली कम्युनिस्ट पार्टीकी मेनुका भण्डारीले ३४५ मत प्राप्त गरेकी छन्। श्रम संस्कृति पार्टीका समीर लामा तामाङले ४२६ मत ल्याएका छन्।
अन्तिम मतपरिणाम सार्वजनिक भएसँगै रास्वपाले यस निर्वाचनमा आफ्नो जितको खाता खोलेको हो।
