रुपन्देही । रुपन्देही क्षेत्र नम्बर–२ को मतगणनामा राष्ट्रिय स्वतन्त्र पार्टी (रास्वपा) का उम्मेदवार सुलभ खरेल ले सुरुवाती अग्रता लिएका छन्।
सुरुमा गणना गरिएको तिलोत्तमा नगरपालिका–१ को अन्तिम परिणाम अनुसार खरेलले २ हजार ७ सय ७१ मत प्राप्त गरेका छन्।
त्यसैगरी नेकपा (एमाले) का उपाध्यक्ष विष्णु पौडेल ले ६ सय ९ मत पाएका छन्। नेपाली कांग्रेसका उम्मेदवार चुन्न पौडेल ले ३ सय ५ मत प्राप्त गरेका छन्।
प्रारम्भिक गणनामा रास्वपाका खरेलले उल्लेख्य अग्रता बनाएका छन्। अब बुटवल उपमहानगरपालिका–१ को मतगणना गर्ने तयारी भइरहेको निर्वाचन अधिकृतको कार्यालयले जनाएको छ।
