बिरगंज — बलिउड अभिनेता राजपाल यादव चेक बाउन्स मुद्दामा उच्च अदालतले अन्तरिम जमानत दिएको फैसला पश्चात नयाँ दिल्लीको तिहाड जेल बाट रिहा भएका छन्।
मंगलबार यादवले जेलबाट बाहिर निस्कँदै आफूले पाएको समर्थनको लागि धन्यवाद व्यक्त गरेका छन्। उनले फेब्रुअरी ५ मा उक्त मुद्दामा आत्मसमर्पण गरेका थिए।
मिडियासँग कुरा गर्दै यादवले मुद्दाको विस्तृत जानकारीका लागि आफ्ना वकिल भास्कर उपाध्याय सँग सम्पर्क गर्न सुझाव दिएका छन्।
राजपाल यादवले बलिउड उद्योगमा विगत ३० वर्षदेखि सक्रिय रहेको उल्लेख गर्दै यस अवधिमा उद्योग र दर्शकहरूबाट पाएको माया र समर्थनले लगभग २५० फिल्महरूमा काम गर्न अवसर दिएको बताए।
अदालतको आदेशअनुसार यादव अब मार्च १८ सम्म जेलबाहिर रहन सक्नेछन् र सो दिन हुने सुनुवाइमा अनिवार्य उपस्थित हुन निर्देशन प्राप्त भएको छ।
