मुम्बई — बलिउड सुपरस्टार सलमान खानका पिता तथा अनुभवी पटकथा लेखक सलिम खान अस्पताल भर्ना भएका छन्। मंगलबार स्वास्थ्य बिग्रिएपछि उनी मुम्बईको लीलावती अस्पताल मा भर्ना भएका हुन्।
अस्पताल प्रशासनले मंगलबार बिहान ८स्३० बजे सलिम खानलाई आकस्मिक कक्षमा ल्याइएको जानकारी दिएको छ। उनका उपचारका लागि डाक्टरहरूको टोली गठन गरिएको छ। तर, उनलाई के स्वास्थ्य समस्या आएको हो भन्ने विषयमा परिवारतर्फबाट अहिलेसम्म कुनै आधिकारिक जानकारी सार्वजनिक गरिएको छैन।
परिवारका सदस्यहरू अस्पताल पुगेका छन्। मंगलबार बिहान सलमान खान अस्पतालमा देखिएका थिए। उनी अस्पतालबाट बाहिर निस्कँदै गर्दा केही सुरक्षाकर्मीसँगै उपस्थित थिए।
सलिमका ज्वाइँ अतुल अग्निहोत्री र अभिनेता आयुष शर्मा पनि अस्पतालमा देखिएका छन्। बुबालाई भेट्न छोरी अलवीरा खान पनि अस्पताल पुगेकी थिइन्।
सलिम खान अस्पताल भर्ना भएको खबर सार्वजनिक भएपछि बलिउड फ्यान र सामाजिक सञ्जाल प्रयोगकर्ताहरूमा चिन्ता व्यक्त हुन थालेको छ। अस्पताल प्रशासनले आवश्यक उपचार जारी रहेको जनाएको छ।
