माघ १६ – पर्सा जिल्लाको बहुदरमाईमा बहुदरमाई युवा क्लबको आयोजनामा रक्तदान कार्यक्रम सफलतापूर्वक सम्पन्न भएको छ। कार्यक्रममा मधेस प्रदेश सरकारका भूमि व्यवस्था, कृषि तथा सहकारी मन्त्री माननीय श्याम पटेल प्रमुख अतिथिका रूपमा सहभागी हुनुभएको थियो।
कार्यक्रमलाई सम्बोधन गर्दै प्रमुख अतिथि मन्त्री पटेलले रक्तदान जीवनदान भएकाले यस्ता सामाजिक कार्यमा युवाहरूको सक्रिय सहभागिता अत्यन्तै सराहनीय रहेको बताउनुभयो। उहाँले समाजसेवामा युवाहरूको भूमिका महत्वपूर्ण रहेको उल्लेख गर्दै आगामी दिनमा पनि यस्ता कार्यक्रम निरन्तर सञ्चालन गर्न आग्रह गर्नुभयो।
रक्तदान कार्यक्रममा बहुदरमाई नगरपालिकाका नगर प्रमुख श्री सिंगासन साह तेली, नगर उपप्रमुख सुष्मा कुमारी कुशवाहासहित स्थानीय युवाहरू, समाजसेवी तथा विभिन्न संघ–संस्थाका प्रतिनिधिहरूको उल्लेख्य सहभागिता रहेको थियो।
आयोजक बहुदरमाई युवा क्लबले रक्त अभावको समस्या समाधान गर्न उद्देश्यले कार्यक्रम आयोजना गरिएको जनाउँदै कार्यक्रममा सहभागी सबैप्रति धन्यवाद व्यक्त गरेको छ।
