Sunday, November 22, 2026
Rastra Aawaj
  • गृह
  • समाचार
  • अर्थ
  • खेलकुद
  • राजनीति
  • विचार
  • विश्व
  • समाज
  • YOUTUBE
No Result
View All Result
  • गृह
  • समाचार
  • अर्थ
  • खेलकुद
  • राजनीति
  • विचार
  • विश्व
  • समाज
  • YOUTUBE
No Result
View All Result
Rastra Aawaj
  • गृह
  • समाचार
  • अर्थ
  • खेलकुद
  • राजनीति
  • विचार
  • विश्व
  • समाज
  • YOUTUBE

बारा प्रशासन–जेनजी बीच पथलैयामा वार्ता सुरु, ६ बुँदे माग पेश

राष्ट्र आवाज by राष्ट्र आवाज
५ मंसिर, शुक्रबार
बारा प्रशासन–जेनजी बीच पथलैयामा वार्ता सुरु, ६ बुँदे माग पेश
0
SHARES
0
VIEWS

मंसिर ५  – बारामा उत्पन्न तनावपूर्ण अवस्थालाई मध्यनजर गर्दै प्रशासन र जेनजी  आन्दोलनकर्ताबीच पथलैयास्थित सशस्त्र प्रहरीको प्राविधिक शिक्षालयमा वार्ता सुरु भएको छ। वार्तामा बाराका प्रमुख जिल्ला अधिकारी (सीडीओ) धर्मेन्द्रकुमार मिश्र, जीतपुरसिमरा उपमहानगरपालिकाका प्रमुख राजन पौडेल, जिल्ला प्रहरी कार्यालय बाराका प्रमुख एसपी सन्तोष तामाङ, सशस्त्र प्रहरी, राष्ट्रिय अनुसन्धान तथा नेपाली सेनाका जिल्लास्तरीय पदाधिकारीहरू सहभागी छन्।

प्रदर्शनकारीको तर्फबाट सम्राट उपाध्याय, कपील खरेललगायतका अगुवाहरू सहभागी भएका छन्। प्रशासनले सुरुआतमा वार्ताका लागि कलैयास्थित जिल्ला प्रशासन कार्यालयमा बोलाएको भए पनि प्रदर्शनकारी त्यहाँ नपुगेपछि जिल्ला सुरक्षा समितिका अधिकारीहरू स्वयं पथलैया आइपुगेका थिए।

वार्ताको क्रममा जेनजीका अगुवा सम्राट उपाध्यायले बुधबार र बिहीबारका घटनामा सुरक्षा व्यवस्थामा कमजोरी देखिएको भन्दै ६ बुँदे माग प्रस्तुत गरेका छन्। उनले बाराका प्रहरी प्रमुख एसपी सन्तोष तामाङसहित सम्बन्धित डीएसपीहरूमाथि कारबाही गरिनुपर्ने जोड दिए। साथै घाइतेको नि:शुल्क उपचार, क्षतिपूर्तिको व्यवस्था र प्रदर्शनकारीहरूको सुरक्षा सुनिश्चित गर्न प्रशासनलाई आग्रह गरियो।

जेनजीका ६ बुँदे माग यसप्रकार छन्—

१. सुरक्षा कमजोरीका कारण जिम्मेवार ठहरिने बाराका एसपी सन्तोष तामाङ, जिल्ला प्रहरी कार्यालय बारा र इलाका प्रहरी कार्यालय सिमराका डीएसपीमाथि कारबाही गर्नुपर्ने।
२. जेनजी प्रदर्शनकारी तथा सहयोगी सबैको सुरक्षाको ग्यारेन्टी गर्नुपर्ने।
३. जेनजीमाथि हातपात तथा दुर्व्यवहार गर्नेहरूलाई कडा कारबाही गर्नुपर्ने।
४. जेनजीमाथि आक्रमण गरेको आरोप लागेका एमाले कार्यकर्ता अरविन्द साहको टेलिफोन रेकर्ड छानबिन गर्नुपर्ने।
५. राज्यले घाइतेहरूको नि:शुल्क उपचार र उचित क्षतिपूर्तिको व्यवस्था गर्नुपर्ने।
६. सुरुको जाहेरीमा नाम छुटेका एमालेका स्थानीय कार्यकर्ता नवराज बस्नेत र विशाल लामालाई पुरक जाहेरीमार्फत नियन्त्रणमा लिएर कारबाही प्रक्रिया अघि बढाउनुपर्ने।

वार्ता जारी रहेकाले सहमतिको दिशामा पक्षहरू कति नजिक पुगेका छन् भन्ने बारे थप जानकारी आउन बाँकी छ।

Previous Post

सन्तोष परियारले छोडे रास्वपा

Next Post

सरकारले ७ लाख थान विद्युतीय राहदानी खरिद गर्ने

Facebook Twitter Youtube
Rastra Aawaj Multimedia Pvt. Ltd.
वीरगंज महानगरपालिका - १४, श्रीपुर
सूचना विभाग दर्ता नंः ४९२२/०८१/८२
प्रेस काउन्सिल दर्ता नं : ४९३६/०८१/८२
rastraawaj@gmail.com

अध्यक्ष : सत्येन्द्र प्रसाद यादव
कार्यकारी निर्देशक : अनुप यादव
सम्पादक : पिंकी यादव
सह-सम्पादक : दीपेन्द्र प्रसाद
सम्वाददाता : सन्दीप जयसवाल
सम्वाददाता : चन्दन दास
कानुनी सल्लाहकार : औरन्जेब अहमद

बिज्ञापनको लागि

९८४५३०५७४०
९८०४२८८३५१

2025 Powered ll Site Designed By Newlife Ranjit Yadav   l  

No Result
View All Result

2025 Powered ll Site Designed By Newlife Ranjit Yadav   l  

राष्ट्र आवाजराष्ट्र आवाज