बारा, असोज १९ – दिपेन्द्र साह
लगातारको अविरल वर्षालाई मध्यनजर गर्दै बरेवा बोयेज स्पोर्टस एण्ड फिटनेश क्लबले बारा जिल्लाका विभिन्न टोलहरूमा राहत तथा उद्धार कार्य सुरु गरेको छ।
संस्थाले वर्षाका कारण डुबानमा परेका घरहरूबाट पानी निष्कासन, बाटो खुलाउने, तथा आवश्यक उद्धार कार्यमा सक्रिय भूमिका निर्वाह गरिरहेको छ। क्लबका सदस्यहरूले बाढीले क्षति पु-याएका क्षेत्रमा पुगेर स्थानीयलाई सहयोग गरिरहेका छन्।
क्लबका अध्यक्षका अनुसार, “संकटको घडीमा हामी सबै एकजुट भएर समाजलाई साथ दिनु आवश्यक छ। हामीले सामूहिक प्रयासमार्फत अधिकतम सहयोग गर्ने लक्ष्य राखेका छौँ।”
यस अभियानमा क्लबका सदस्यहरू स्वयंसेवकका रूपमा खटिएका छन् भने स्थानीय बासिन्दाहरूको पनि उल्लेखनीय सहयोग रहेको छ। क्लबले आगामी दिनमा राहत कार्यलाई थप विस्तार गर्ने योजना बनाएको छ।
स्थानीय जनप्रतिनिधिहरूले क्लबको यो पहलप्रति धन्यवाद व्यक्त गरेका छन् र अन्य संस्थाहरूसमेत यस्तै अभियानमा अघि बढ्न प्रेरणा लिने विश्वास व्यक्त गरेका छन्।
विपद् व्यवस्थापनका क्रममा तत्काल सहयोग आवश्यक परेमा निम्न सम्पर्क नम्बरहरूमा फोन गर्न अनुरोध गरिएको छ:
९८४५८०८१४४
९८६५४२८५११
९८१३९२५६३६
स्थानीय बासिन्दाहरूले क्लबको यो पहलको प्रशंसा गर्दै यसरी युवाहरू सक्रिय भएर समुदायमा सेवा गर्न उभिनु उदाहरणीय भएको प्रतिक्रिया दिएका छन्।
