काठमाडौं । प्रतिनिधि सभा विघटनप्रति सभामुख देवराज घिमिरेले असन्तुष्टि व्यक्त गरेका छन् ।
बिहीबार संघीय संसद् भवनको क्षतिग्रस्त संरचनाको अवलोकन गरेपछि सञ्चारकर्मीहरुसँग संक्षिप्त प्रतिक्रिया दिँदै उनले यस्तो असन्तुष्टि व्यक्त गरेका हुन् ।
सभामुख घिमिरेले जेनजी पुस्ताको आन्दोलनको उद्देश्यलाई राम्ररी अध्ययन गरी मुलुकलाई अगाडि बढाउनुपर्नेमा जोड दिएका छन् । आन्दोलनका क्रममा मुलुकले व्यहोरेको क्षति दुःखदायी भएको भन्दै उनले सबैले मिलेर ठिक ढंगले अगाडि बढ्नुपर्ने बताएका छन् ।
उनले भने, ‘यो आन्दोलन के हो ? गर्न खोजेको के हो ? सबैकुराहरु राम्ररी अध्ययन गर्नुपर्छ । हामीले जे व्यहोरिरहेका छौँ त्यो ज्यादै दुःखद् कुरा हो । यसबाट उठेर ठिक ढंगले अगाडि जानुपर्ने हाम्रो सबैको दायित्व हो । यो बेलामा सबै लागौँ । यी सबै दुर्घटनाहरू नहुनुपथ्र्यो। मुलुकमा व्याप्त समस्याहरूलाई अलिक राम्रो ढंगले समाधान गर्न बाटाहरू खोज्न सकिन्थ्यो होला, तर त्यो हुन सकेन । प्रतिनिधि सभा विघटन नगरीकन समाधान खोज्न सकिएको भए राम्रो हुन्थ्यो ।’
