काठमाडौं । काठमाडौंको ठमेल र महाराजगन्ज क्षेत्रबाट गुण्डागर्दीमा संलग्न ४७ जनाभन्दा बढीलाई प्रहरीले पक्राउ गरेको छ।
पक्राउ पर्नेमा गुन्डा नाइके चक्रे मिलन (मिलन गुरुङ) सहित ४७ भन्दा बढी व्यक्तिहरूलाई रहेका छन् ।
उनलाई महाराजगन्जस्थित साम्बाला होटलबाट बिहीबार राति नियन्त्रणमा लिइएको हो ।
बिहीबार राति काठमाडौं प्रहरी र उपत्यका अपराध अनुसन्धान कार्यालयले रेष्टुरेन्ट तथा क्लबमा हुने झैझगडा र हप्ता असुलीविरुद्ध विशेष अपरेसन चलाएका थिए।
यसै क्रममा प्रहरीले बिहीबार बिहान ठमेलको एक दोहोरी साँझबाट युवराज गुरुङ उर्फ सानुभाइलाईसमेत पक्राउ गरेको थियो । उनीमाथि पनि गुण्डागर्दीमा संलग्न रहेको आरोप लागेको छ।
पक्राउ परेका सबैलाई आवश्यक अनुसन्धानका लागि प्रहरी हिरासतमा राखिएको प्रहरीले जनाएको छ।
