काठमाडौँ– बाराको निजगढ नगरपालिका–११ रतनपुरबाट प्रहरीले १२ किलो २३० ग्राम गाँजासहित दुई जनालाई पक्राउ गरेको छ।
केन्द्रीय प्रहरी समाचारकक्षका अनुसार जीतपुर सिमरा उपमहानगरपालिका–१९ इनर्वा, सिरहाका ३५ वर्षीय फिरोज देवान र गौर नगरपालिका–९ का १९ वर्षीय तरबेज आलम पक्राउ परेका हुन्।
त्यसैगरी, भरतपुर महानगरपालिका–१८ लाहुरेचोकबाट चिकित्सकको सिफारिसमा मात्र खरिद गर्न पाइने २२० फाइल ट्रामाडोलसहित भरतपुर–२३ का २९ वर्षीय सोम पाण्डेलाई पनि पक्राउ गरेर अनुसन्धान थालिएको प्रहरीले जनाएको छ। उनीहरूलाई मङ्गलबार पक्राउ गरिएको हो।
