काठमाडौं — भुटानका प्रधानमन्त्री छिरिङ्ग तोब्गेले नेपालमा सम्पन्न प्रतिनिधि सभा निर्वाचनमा भारी जनमत प्राप्त गरेकोमा राष्ट्रिय स्वतन्त्र पार्टीका सभापति रवि लामिछाने र वरिष्ठ नेता बालेन शाहलाई बधाई दिएका छन्।
२१ फागुनमा सम्पन्न निर्वाचनपछि सामाजिक सञ्जालमार्फत शुभकामना सन्देश जारी गर्दै तोब्गेले सफल निर्वाचनका लागि नेपाली जनतालाई पनि बधाई दिएका छन्।
“नेपालको आम चुनावमा भारी विजय हासिल गर्नुभएकोमा श्री बालेन शाह र श्री रवि लामिछानेलाई बधाई छ,” उनले लेखेका छन्, “म सफल चुनावका लागि नेपाली जनतालाई पनि बधाई दिन्छु।”
प्रधानमन्त्री तोब्गेले आगामी सरकारसँग भुटान र नेपालबीचको मित्रतालाई अझ सुदृढ बनाउन आफू तत्पर रहेको पनि उल्लेख गरेका छन्।
“हामी दुई देशहरूबीचको न्यानो मित्रतालाई अझ गहिरो बनाउन तत्पर छु,” उनले शुभकामना सन्देशमा भनेका छन्।
