काठमाडौं। हाल देशमा पश्चिमी न्यून चापीय प्रणालीको सामान्य प्रभाव कायम रहेको छ। यस प्रणालीका कारण केही प्रदेशका पहाडी तथा हिमाली क्षेत्रमा हल्का वर्षा र हिमपात भइरहेको छ।
हाल बागमती प्रदेश र गण्डकी प्रदेश का पहाडी तथा हिमाली भू-भागका थोरै स्थानहरूमा तथा बाँकी पहाडी र हिमाली क्षेत्रका एक–दुई स्थानमा हल्का वर्षा र हिमपात भइरहेको छ। देशका अधिकांश पहाडी र हिमाली भू-भागमा सामान्य बदली रही बाँकी क्षेत्रको मौसम मुख्यतया सफा रहेको छ।
आज दिउँसो तराईका केही स्थानहरूमा बिहानको समयमा हुस्सु देखिने सम्भावना छ। कोशी प्रदेश, गण्डकी प्रदेश र कर्णाली प्रदेश का पहाडी तथा हिमाली भू-भागमा सामान्य बदली रहनेछ भने अन्य प्रदेशका हिमाली क्षेत्रमा पनि बदली रहने पूर्वानुमान गरिएको छ। बाँकी पहाडी भू-भागमा आंशिक बदली तथा तराई क्षेत्रमा मौसम मुख्यतया सफा रहने जनाइएको छ।
त्यस्तै, कोशी प्रदेश, बागमती प्रदेश र गण्डकी प्रदेश का पहाडी तथा हिमाली भू-भागका थोरै स्थानहरूमा तथा लुम्बिनी प्रदेश, कर्णाली प्रदेश र सुदूरपश्चिम प्रदेश का पहाडी तथा हिमाली भू-भागका एक–दुई स्थानमा मेघगर्जन र चट्याङसहित हल्का वर्षा तथा हिमपातको सम्भावना रहेको छ।
आज राति तराईका थोरै स्थानहरूमा तुँवालो लाग्ने सम्भावना छ। गण्डकी प्रदेश का पहाडी तथा हिमाली भू-भाग र अन्य प्रदेशका हिमाली क्षेत्रमा सामान्य बदली रहनेछ भने बाँकी पहाडी क्षेत्रमा आंशिक बदली रहनेछ। तराई भू-भागमा भने मौसम मुख्यतया सफा रहने जनाइएको छ।
मौसमविद्ले वर्षा, हिमपात र चट्याङको सम्भावना रहेकाले उच्च पहाडी तथा हिमाली क्षेत्रमा यात्रा गर्दा सतर्कता अपनाउन आग्रह गरेका छन्।
