काठमाडौं, १४ चैत — नेपालका पूर्वप्रधानमन्त्री केपी शर्मा ओली लाई प्रहरीले पक्राउ गरेको छ। काठमाडौं उपत्यका अपराध अनुसन्धान कार्यालयको टोलीले भक्तपुरको गुण्डुस्थित निवासबाट उनलाई नियन्त्रणमा लिएको हो।
अपराध अनुसन्धान कार्यालय टेकुका एसएसपी सन्तोष खड्का को नेतृत्वमा गएको प्रहरी टोलीले आज बिहानै ओली निवासमा प्रवेश गरी उनलाई पक्राउ गरेको हो। काठमाडौं उपत्यका अपराध अनुसन्धान कार्यालयका एक अधिकृतले पनि पक्राउको पुष्टि गर्दै भने, “हामीले पूर्वप्रधानमन्त्री केपी शर्मा ओलीलाई नियन्त्रणमा लिएका छौं।”
प्रहरी स्रोतका अनुसार ओलीलाई पक्राउ गर्न रातिदेखि नै निगरानी बढाइएको थियो। बिहानै सञ्चालन गरिएको अपरेशनमार्फत उनलाई नियन्त्रणमा लिइएको जनाइएको छ।
यसैबीच, ओली नेतृत्वको तत्कालीन सरकारका गृहमन्त्री रमेश लेखक लाई पनि आज बिहान प्रहरीले भक्तपुरको कुटुन्जेस्थित निवासबाट पक्राउ गरेको छ।
प्रहरीले पक्राउको कारणबारे औपचारिक रूपमा विस्तृत जानकारी सार्वजनिक गरेको छैन। घटनाबारे थप विवरण आउन बाँकी रहेको छ।
