काठमाडौं — नेपाली बजारमा आइतबार सुनको मूल्य सामान्य बढेको छ भने चाँदीको मूल्य घटेको छ।
नेपाल सुनचाँदी व्यवसायी महासंघका अनुसार आज छापावाल सुनको मूल्य तोलामा १०० रुपैयाँले बढेर ३ लाख ९ हजार ५०० रुपैयाँ कायम भएको छ। यसअघि आइतबार सुनको मूल्य ३ लाख ९ हजार ४०० रुपैयाँ थियो।
त्यस्तै चाँदीको मूल्य भने घटेको छ। महासंघका अनुसार आज चाँदी तोलामा ५ हजार २६५ रुपैयाँमा कारोबार भइरहेको छ। आइतबार चाँदीको मूल्य ५ हजार २७० रुपैयाँ कायम भएको थियो।
अन्तर्राष्ट्रिय बजारको उतारचढावअनुसार नेपाली बजारमा पनि सुनचाँदीको मूल्य दैनिक रूपमा परिवर्तन हुने गरेको महासंघले जनाएको छ।
