काठमाडौं — रवि लामिछानेविरुद्धको सम्पत्ति शुद्धीकरण र सङ्गठित अपराधसम्बन्धी मुद्दा फिर्ता गर्ने निर्णयविरुद्ध दायर रिट निवेदनमाथि आज सर्वोच्च अदालतमा सुनुवाइ हुँदैछ।
यसअघि आइतबार सुनुवाइका लागि पेश गरिएको उक्त रिटमा समय अभावका कारण सुनुवाइ हुन नसकेपछि अदालतले ‘हेर्दाहेर्दै’मा राख्दै सोमबारका लागि सुनुवाइ तोकेको थियो। आइतबार न्यायाधीशद्वय सारङ्गा सुवेदी र सुनिलकुमार पोखरेलको संयुक्त इजलासले मुद्दालाई हेर्दाहेर्दैमा राखेका थिए।
यसअघि न्यायाधीशद्वय सपना प्रधान मल्ल र श्रीकान्त पौडेलको संयुक्त इजलासले उक्त निवेदनलाई नियमित सुनुवाइका लागि आइतबार पेश गर्न आदेश दिएको थियो।
सविता भण्डारी बरालले अघिल्लो सरकारको कार्यकालमा रवि लामिछानेविरुद्ध दायर गरिएका सम्पत्ति शुद्धीकरण तथा सङ्गठित अपराधसम्बन्धी मुद्दा फिर्ता गर्ने निर्णय गरेकी थिइन्।
उक्त निर्णयविरुद्ध युवराज पौडेल, दिनेश त्रिपाठी र आभास रेग्मीले सर्वोच्च अदालतमा छुट्टाछुट्टै रिट निवेदन दायर गरेका थिए।
अब आज हुने सुनुवाइबाट उक्त निर्णयको वैधानिकता सम्बन्धमा अदालतले के निर्णय लिन्छ भन्ने विषयमा चासो बढेको छ।
