काठमाडौं — राष्ट्रिय स्वतन्त्र पार्टीले समानुपातिकतर्फका ५७ जना सांसदको नाम टुंगो लगाएको छ। भर्खरै बसेको सचिवालय बैठकले ४८ महिला र ९ पुरुष गरी ५७ जनाको नाम निर्वाचन आयोगमा पठाउने निर्णय गरेको पार्टी प्रवक्ता मनिष झाले जानकारी दिए।
झाले अनुसार आयोगमा पठाइएको नाम प्रस्तावित मात्रै भएको भन्दै, आयोगले रुजु नगरेसम्म सार्वजनिक नगर्ने बताएका छन्। उनले भने, “तोकिएको समयभित्र ५७ जनाको नाम निर्वाचन आयोगमा बुझाउने निर्णय भएको छ। रुजुपछि आयोगले मात्र सार्वजनिक गर्नेछ। आयोगले नाम रुजु नगरेसम्म प्रस्तावित मात्र मान्न सकिने भएकाले अहिले सार्वजनिक हुँदैन।”
सचिवालय बैठकले क्लस्टर अनुसार खस आर्यतर्फ १७, जनजातिबाट १६, दलित ८, मुस्लिम ३, मधेशी ९ र थारु ४ जनाको नाम पठाइएको बताए।
