वीरगन्ज — वीरगन्ज–४ भगवती टोलकी सुशीला देवी उपाध्यायले आफ्ना स्वर्गीय पति प्रताप कुमार उपाध्यायको स्मृतिमा श्री बिर्ता माई संरक्षण समितिलाई १ लाख ५ हजार ५०५ रुपैयाँ सहयोग प्रदान गरेकी छन्।
मंगलबार आयोजित कार्यक्रममा उपाध्यायले समितिका अध्यक्ष जगत साह कानुलाई उक्त रकम हस्तान्तरण गरेकी हुन्। सो अवसरमा अध्यक्ष कानुले सहयोगदाता सुशीला देवी उपाध्यायलाई खादा तथा माला लगाएर सम्मान गर्दै धन्यवाद व्यक्त गरे।
उनले धार्मिक तथा सामाजिक कार्यका लागि गरिएको यस सहयोगले बिर्ता माई मन्दिरको संरक्षण र विकासमा महत्वपूर्ण योगदान पुग्ने विश्वास व्यक्त गरे।
रकम हस्तान्तरण कार्यक्रममा समितिका सल्लाहकार तथा समाजसेवी प्रकाश उपाध्याय, हरि पोखरेल, मुना खनाल, प्रभु गुप्ता, राजु गुप्ता, सोनु तिवारीलगायतको उपस्थिति रहेको थियो।
