काठमाडौं – संवैधानिक राजसंस्था र सनातन हिन्दु अधिराज्यसहित बहुदलीय प्रजातन्त्र पुनर्स्थापनाको माग गर्दै राजावादी समूहले राजधानीमा मोटरसाइकल र्याली आयोजना गरेका छन्।
मंगलबार शाही युवा शक्ति नेपालको आयोजनामा सामाकोशी क्षेत्रबाट सुरु भएको र्यालीमा सयौँको संख्यामा युवा सहभागी भएका थिए। सहभागीहरूले राजसंस्थाको पुनःस्थापनाको माग राख्दै नाराबाजीसमेत गरेका थिए।
र्याली सामाकोशीबाट सुरु भई रत्नपार्कसम्म पुगेको थियो। कार्यक्रम शान्तिपूर्ण रूपमा सम्पन्न भएको आयोजकले जनाएको छ।
राजावादी समूहहरूले पछिल्लो समय विभिन्न कार्यक्रममार्फत संवैधानिक राजसंस्था पुनर्स्थापनाको मागलाई उठाउँदै आएका छन्।
