जनकपुर — नेपाली कांग्रेसले बुधबार जनकपुरमा ‘प्रतिज्ञा सभा’ आयोजना गर्दै औपचारिक कार्यक्रम सुरु गरेको छ। सभामा पार्टीका गगन थापा ९सभापति० र उपसभापति विश्वप्रकाश शर्माल लगायत शीर्ष नेताहरू उपस्थित छन्।
सभामार्फत पार्टीले आगामी प्रतिनिधिसभा निर्वाचनका लागि आफ्नो चुनावी घोषणापत्र सार्वजनिक गर्ने तयारी गरेको छ। कांग्रेसले घोषणापत्रलाई ‘प्रतिज्ञापत्र’ नाम दिएको छ, जसमा आफ्नो प्रमुख एजेन्डा र आगामी योजना–प्रतिबद्धता समेटिने बताइएको छ।
पार्टीका अनुसार सभामा हजारौँ कार्यकर्ता र समर्थकको सहभागिता रहनेछ। जनकपुर केन्द्रित यो कार्यक्रमलाई नेपाली कांग्रेसले चुनावी अभियानको महत्वपूर्ण शक्ति प्रदर्शनको रूपमा लिएको छ।
आगामी फागुन २१ गते प्रतिनिधिसभा निर्वाचन हुने निश्चित भएसँगै प्रमुख राजनीतिक दलहरूले चुनावी सभालाई तीव्रता दिइरहेका छन्।
