माघ १४ – नेकपा एमाले पर्सा–२ की उम्मेदवार रिमा कुमारी यादवले पर्सागढी नगरपालिकाका वडा नम्बर २ र ७ मा वडा भेला तथा भेटघाट कार्यक्रम सम्पन्न गर्नुभएको छ।
वडा भेलाका क्रममा उम्मेदवार यादवले स्थानीय जनतासँग प्रत्यक्ष संवाद गर्दै उनीहरूका समस्या, आवश्यकता र सुझाव सुन्नुभएको थियो। उहाँले विकास, सुशासन र समृद्धिलाई प्राथमिकतामा राख्दै पर्सा–२ को समग्र विकासका लागि आफू प्रतिबद्ध रहेको बताउनुभयो।
कार्यक्रममा सडक, खानेपानी, शिक्षा, स्वास्थ्य तथा रोजगारीजस्ता विषयमा स्थानीयवासीहरूले चासो व्यक्त गरेका थिए। यादवले जनताको भावना अनुसार काम गर्दै दीर्घकालीन विकास योजनालाई अगाडि बढाइने विश्वास दिलाउनुभयो।
वडा भेलामा नेकपा एमालेका स्थानीय नेता–कार्यकर्ता तथा सर्वसाधारणको उल्लेखनीय उपस्थिति रहेको थियो।
