चन्द्रशेखर कुमार प्रजापति – पर्साको बिन्दबासिनी गाउँपालिका वडा नं ४ अन्तर्गत पर्ने झौवागुठीमा भव्य JPL T-20 क्रिकेट प्रतियोगिता सुरु भएको छ। गाउँपालिका अध्यक्ष प्रमोद तिवारीको सहयोगमा र बौद्धिमाई यूवा क्लब झौवागुठीको आयोजनामा भएको यस प्रतियोगिताको उद्घाटन गाउँपालिका अध्यक्ष प्रमोद तिवारीले रिबन काटेर गरेका थिए।
उद्घाटन समारोहमा गाउँपालिका अध्यक्ष प्रमोद तिवारी, वडा नं ४ का वडा सदस्य मुकेश कुमार कानु, मुकलेश राउत गद्दी, श्री रा.रा.चौ.मा.बि.का शिक्षक शिव कुमार साह कलवार, प्रेस मंच नेपालका जिल्ला सचिव चन्द्रशेखर कुमार प्रजापति, क्याप्टेन राम पुकार चौहान, रामस्नेही चौहान, संजय पटेल, मनिष पासवान, ईसाद अहमद, निरज पासवान, प्रिन्स कुमार साह, श्याम गिरी, राजकुमार दास तथा विभिन्न विशिष्ट व्यक्तित्वहरु र भद्रभलादमीहरुको उल्लेखनीय सहभागिता रहेको थियो। प्रतियोगितामा प्रथम विजेतालाई नगद पुरस्कार राशि रू २५०००/-, दोस्रोलाई नगद पुरस्कार राशि रू १२०००/- र मैन अफ दि मैच, सिरीज मेडल, बेस्ट बौलर मेडल, बेस्ट बैचमैन हुने सबैलाई मेडलको व्यवस्था गरिएको आयोजक संस्थाले जनाएको छ।
