भदौ २३ – जेनजीको आन्दोलनका क्रममा नयाँ बानेश्वरस्थित संसद भवनको गेटका दुई स्थानमा गरेको आगजनी प्रहरीले निभाएको छ।प्रदर्शनकारीको तर्फबाट गेट नम्बर १ र गेट नम्बर २ मा आगजनी गरिएको थियो।
तर, प्रहरीले तत्काल निभाएको प्रहरीले हो। त्यसअघि प्रहरीले आफूसँग वाटर क्यानल पनि संसद भवनभन्दा निकै टाढा राखेको छ।
अहिले नयाँ बानेश्वर क्षेत्रको स्थिति तनावपूर्ण रहेको छ भने प्रदर्शनकारीले सरकारविरुद्ध चर्को नाराबाजी गरिरहेका छन् ।
केही प्रदर्शनकारी संसद् भवनभित्रै प्रवेश समेत गरेका छन्। अहिले स्थानीय प्रशासनले कर्फ्यु आदेश जारी गरे पनि बानेश्वर क्षेत्र तनावग्रस्त नै छ भने यसअघि प्रहरीले गोली समेत चलाएको छ।
सामाजिक सञ्जालमाथि लगाएको प्रतिबन्ध र भ्रष्टाचार विरुद्ध कलेजको ड्रेसमै शान्तिपूर्ण विरोध प्रदर्शन गर्ने जेनजी पुस्ताको आन्दोलन हिंसात्मक बन्यो। केही प्रदर्शनकारी सोही अनुसार कलेज ड्रेसमै विरोध प्रदर्शनस्थल पुगेका थिए।
अहिलेसम्म भने कर्फ्यु जारी भएको र आन्दोलनमा घुसपैठ भएको भन्दै जेनजीले आन्दोलनकारीहरूलाई घर फर्किन आह्वान गरिसकेको छ।
कसले गर्यो घुसपैठ ?
हातमा राष्ट्रिय झन्डा, मुखमा मास्क अनि हेलमेट लगाएकाहरू केही प्रदर्शनकारी संसद् भवनको पश्चिम गेटमा पुगेर गेटमा रहेको एकतले भवनको छतमा चढेका थिए। तल रहेकाहरूले भित्र भवनभित्रै आगो लगाइदिएपछि सुरक्षाकर्मीले बल प्रयोग गरेको थियो। हो, त्यसपछि आन्दोलन हिंसात्मक बन्यो।
प्रहरीले गोली चलाउन बाध्य बन्नुपर्यो। प्रहरीले चलाएको रबरको गोली लागेर पत्रकार घाइते भएका छन्। नयाँ पत्रिकाका फोटो पत्रकार दिपेन्द्र ढुंगानालाई गोली लागेपछि अस्पताल लगिएको छ भने कान्तिपुर टिभीका श्याम श्रेष्ठ पनि घाइते भएका छन्।
