गृहलक्ष्मी बचत तथा ऋण सहकारी संस्थाको १४ औं स्थापना दिवसको अवसरमा रक्तदान कार्यक्रम सम्पन्न

२०७९ मंसिर १९ , वीरगन्ज

गृहलक्ष्मी बचत तथा ऋण सहकारी संस्था लि• वीरगंज‚ पर्साको १४ ‌औं स्थापना दिवसको उपलक्ष्यमा आयोजनामा भएको रक्तदान कार्यक्रममा अशोक राउत अहिर, सोनम श्रेष्ठ, दिपक चौधरी, रविभुषण श्रीवास्तव लगायत ६ महिला सहित ६७ जनाले रक्तदान गरेका छन् ।

रक्तदान कार्यक्रम आयोजक संस्थाका प्रमुख कार्यकारी अधिकृत रविभुषण श्रीवास्तवको अध्यक्षता, प्रमुख अतिथि जिल्ला बचत तथा ऋण सहकारी संघ लि• पर्साका महासचिव एवं नेपाल रेडक्रस रक्तसचार समिति पर्साका सदस्य जिष्णु बराल, राष्ट्रिय सहकारी बैंक वीरगंज शाखाका प्रवन्धक सन्जय महतो‚ सिएमसि पर्साका अध्यक्ष चन्देश्वर चौरसिया लगायतको उपस्थिती रहेको थियो ।

कार्यक्रममा प्रमुख अतिथिले गृहलक्ष्मी साकोस स्थापनाको छोटो समयमा सदस्यहरुलाई उदाहरणीय सेवा प्रदान गरी जिल्लामा नै उदाहरण पेश गर्नुका साथै सामाजिक दायित्वका रक्तदान जस्ता कार्यक्रम गरेकोमा धन्यवाद दिंदै यसलाई निरन्तरता दिन आग्रह गरेका थिए भने आयोजक संस्थाका प्रमुख कार्यकारी अधिकृत ले रक्तदान कार्यक्रमलाई निरन्तरता दिने बताएका थिए । रक्तदान कार्यक्रमका लागि प्राविधिक सहयोग नेपाल रेडक्रस रक्तसञ्चार केन्द्रका प्राविधिक अधिकृत सौरभ पाण्डेको नेतृत्वमा रहेको प्राविधिकहरुले गरेका थिए ।