मुनलाइट माविले बाजि हात पार्यी
प्याब्सन हाजिरी जबाफ प्रतियोगितामा मुनलाइट माविले बाजि हात पार्यी।।।
निजी तथा आवसीय बिधालय अर्गनाइजेसन नेपाल प्याब्सन महानगरपालिकाले प्याब्सन हाजिरी जबाफ प्रतियोगिता आयोजना गरेकोमा मुनलाइट मावि प्रथम भएको छ।
प्याब्सनको वाषिर्क क्यालेन्डर अनुसार दोस्रो कार्यक्रम प्याब्सन अन्तर बिधालय हाजिरी जबाफ प्रतियोगिता आयोजना गरेको हो।आज गौतम स्कुलको प्रारङ्गमा आयोजित हाजिरी जबाफ प्रतियोगितामा प्याब्सन पर्सा संग आबद्द भएका ३० वटा निजी बिधालयहरु सहभागी रहेको थियो ।
प्रतियोगितामा प्रथम मुनलाइट मावि दोस्रो जीवन ज्योति मावि तेस्रो अल्पाइन मावि प्लस टु साइन्स भएको थियो ।बिजयी भएका बिधालयका विद्यार्थीहरुलाई प्रमुख अतिथि प्याब्सनका केन्द्रीय सदस्य छेडुप लामाले प्रमाणपत्र तथा शिल्ड वितरण गर्नु भएको थियो ।
उहाँले अब हरेक बिधालयमा शिक्षा संगसगै अतिरिक्त क्रियाकलापहरु प्याब्सनले गर्ने भएकोले आजको मिति देखि बिधालयहरुले विद्यार्थीहरु तयारी गर्न निर्देशन समेत लामाले दिनुभएको थियो।
प्याब्सन महानगरपालिकाका अध्यक्ष आलोक चौरसियाको अध्यक्षतामा समपन्न सो कार्यक्रममा प्रेस सेन्टर नेपालका केन्द्रीय सदस्य जगत राई, प्याब्सन मधेस प्रदेशका उपाध्यक्ष श्याम केसि,नेपाल आदिवासी जनजाति पत्रकार महासंघ मधेस प्रदेशका इन्चार्ज निरज पिठाकोटेमगर ,प्याब्सन जिल्ला कार्य समिति पर्साका अध्यक्ष पुरन प्रधान ,कार्यक्रम संयोजक सोनम लामा ,लगायतको उपस्थित रहेको थियो।
कार्यक्रमको सहजिकरण प्याब्सन पर्साका सचिव सन्नी पाख्रिङ्गले गर्नु भएको थियो ।
