(जसपा) का उपेन्द्र यादवकाे अग्रता

बैशाख १२, २०८०

बारा क्षेत्र नम्बर २ मा प्रतिनिधि सभा सदस्यकाे उपचुनावमा मतगणना चलिरहेकाे छ । अहिलेसम्मकाे मतगणनामा जनता समाजवादी (जसपा) का उपेन्द्र यादवकाे अग्रता कायमै छ ।

पछिल्लाे मतपरिणामअनुसार यादवले १९ हजार नाै सय ७८ मत प्राप्त गर्नुभएकाे छ । जनमत पार्टीका शिवचन्द्र कुशवाहाले यादवसँगकाे मतान्तर घटाउँदै लग्नुभएकाे छ । अहिले कुशवाहाले १६ हजार नाै सय ३७ मत प्राप्त गर्नुभएकाे छ । उहाँहरूबीच तीन हजार ४१ मतकाे अन्तर रहेकाे छ । यसअघि यादवले पाँच हजारभन्दा धेरै मतले अग्रता लिइरहनुभएकाे थियाे ।

यस्तै नेकपा एमालेका पुरुषाेत्तम पाैडेलले पाँच हजार सात सय ९६ मत प्राप्त गर्दा राष्ट्रिय स्वतन्त्र पार्टी (रास्वपा) का रमेश खरेलले दुई हजार तीन सय ७० मत पाउनुभएकाे छ ।

गएकाे आइतवार भएकाे उपचुनावमा बारा क्षेत्र नम्बर २ मा ६९ हजार एक सय सात मत खसेकाे मुख्य निर्वाचन अधिकृतकाे कार्यालयले जनाएकाे छ ।