धनगढी बजार व्यवस्थापनमा तातिए अध्यक्ष महतो

सिराहा । सिरहाको धनगढीमाई १० का वडा अध्यक्ष सरोज कुमार महतो स्थानिय धनगढी बजारको व्यवस्थापनमा ध्यान केन्द्रित गर्नु भएको छ ।साताको दुई दिन लाग्दै आएको बजारको व्यवस्थापनमा जोड दिनु भएको छ ।

आईतबार र बुधबार बिहान पख पूर्व पक्षिम महेन्द्र राजमार्गको दक्षिण कृषि बजारमा सडकलाई अवरुद्ध हुनेगरी वर्षौ देखि लाग्दै आएको बजारले गर्दा उक्त मार्ग भएर गुड्ने सवारी साधनलाई आवत जावतमा कठिनाई उत्पन्न हुने गरेको अवस्था एकातिर थियो भने अर्कोतिर संभावित दुर्घटनाको उच्च संभावना रहेको अवस्थामा नव निर्वाचित वडा अध्यक्ष सरोज कुमार महतोले सडकमा आफै आएर हातमा माइक्रोफोन लिएर बजारमा आउने कृषक व्यापारी सबैलाई सडकबाट टाढा गएर कृषि उपज बालीको किनमेल गर्न आग्रह गर्दै आफै खटिएका छन् ।

अध्यक्ष महतोलाई सहयोग गर्न बजार व्यवस्थापन समितिका पदाधिकारी , नगर प्रहरी, नेपाल प्रहरी , ट्राफिक प्रहरी लगायतले सहयोग गरेका छन् । बजार व्यवस्थापन सँगै बजारको फोहोर व्यवस्थापनमा समेत ध्यान केन्द्रित गरेका महतोको सामाजिक कार्यले चौतर्फी प्रशंसा भइरहेको छ । नेपाली कांग्रेस पार्टिबाट निर्वाचित महतोले बजार व्यवस्थापनमा करिब बिहान ४ बजेदेखि खटेको देखिन्छ ।

संभावित सडक दुर्घटनाबाट जोगाउन आफूले जोड गरेको उनले बताए जनताको सेवामा खटिएका महतो निर्वाचित नहुँदै पनि सामाजिक कार्यमा अग्रणी भूमिका निर्वाह गर्दै आउनु भएको थियो।चौतर्फी प्रशंसा हुँदै गरेका महतोले जनताको सबै समस्याहरू क्रमिक रूपम समाधान गर्दै जाने बताउँदै बजार व्यवस्थापनमा आम मानिसलाई सहयोग गर्न आग्रह समेत गरेका छन् ।