स्व. गिरिको १३औँ दिनको तिथिमा पर्सामा श्रद्धाञ्जली सभा

बीरगंज । नेपाली कांग्रेस पर्साले कांग्रेस स्व.नेता प्रदीप गिरिको १३औँ दिनको तिथिमा आज बीरगंजमा श्रद्धाञ्जली कार्यक्रम गरेको छ ।

श्रद्धाञ्जली सभालाई सम्बोधन गर्दै नेपाली कांग्रेसका केन्द्रिय सदस्य रमेश रिजालले काँग्रेसलाई थप समावेशी र सबल बनाउन स्व. नेता गिरी हरदम क्रियाशील रहनुभएको स्मरण गर्नुभयो ।

केन्द्रिय सदस्य अजय चौरसियाले सबै किसिमका निरङ्कुशता विरुद्ध प्रखर वैचारिक सङ्घर्षमा होमिनुभएका नेता गिरीले पटक–पटकका लोकतान्त्रिक आन्दोलनहरूमा वैचारिक र साङ्गठनिक अग्रणी भूमिका निभाउनुभएको बताउनुभयो ।

पूर्व मन्त्री एवं कांग्रेस नेता सुरेन्द्र चौधरीले गिरीको त्याग र योगदान सदैव काँग्रेसको मार्ग दर्शन हुने कुरामा जोड दिनुभयो ।