वीरगन्ज महानगरपालिकाको मेयरममा पराजित निवर्तमान मेयर सरावगीद्वारा मतदाताहरुलाइ धन्यवाद ज्ञापन

वीरगन्ज,१४ जेठ । वीरगन्ज महानगरपालिकाको मेयरममा पराजित निवर्तमान मेयर विजय कुमार सरावगीले महानगरका मतदाताहरुलाइ धन्यवाद ज्ञापन कार्यक्रमलाइ निरन्तरता दिनु भएको छ । बैशाख ३० गते भएको निर्वाचनमा नेकपा एमालेको उम्मेदवार बनेर मेयरमा पराजित हुनु भएका सरावगीले ३ दिन यता देखि विभिन्न वडाहरुमा पुगेर मतदाताहरुलाइ धन्यवाद ज्ञापन दिदै आउनु भएको छ । यसैक्रममा आज बिहान वीरगन्ज १६ इनर्वामा पुगेर सरावगीले स्थानीय अगुवा र मतदाताहरुलाइ भेटेर निर्वाचनमा आफुलाइ साथ र सहयोग गरेकोमा धन्यवाद दिनु भयो । यसअघि हिजो पनि उहाले वीरगन्ज महानगरपालिका वडा नम्बर २ छपकैया र अस्ति वडा नम्बर १ बजार छपकैयामा पुगेर त्यहाका अगुवा र मतदाताहरुलाइ भेटेर धन्यवाद दिनु भएको थियो । निर्वाचनमा हार जित हुनु स्ववभाविक प्रकृया रहेको भन्दै सरावगीले यसपाली पराजित भएपनि आफु वीरगन्जको विकास र समृद्धिका लागि निरन्तर लागि रहने बताउनुभयो ।महानगरवासीको सुखदुखमा आफनो सदैव साथ रहने पनि उहाले बताउनुभयो । निर्वाचनमा वीरगन्जका मतदाताले आफुलाइ दिएको साथ र सहयोगलाइ आफुले सदैव मनन् गरिरहने भन्दै उहाले समय अनुकुल मिलाएर महानगरका ३२ वटै वडामा पुगेर मतदाताहरुलाइ धन्यवाद ज्ञापन गर्ने बताउनुभयो ।