वीरगन्ज महानगरका नवनिर्वाचित मेयर र उपमेयरले आज पनि सडक र नालाको सरसफाइको अवस्था बारे जायजा लिए

वीरगन्ज,१४ जेठ । वीरगन्ज महानगरका नवनिर्वाचित मेयर र उपमेयरले आज पनि सडक र नालाको सरसफाइको अवस्था बारे जायजा लिएका छन् । मेयर राजेशमान सिंह र उपमेयर इम्तियाज आलमले आज बिहान महानगरपालिका सरसफाइ शाखाका कर्मचारीहरुलाइ संगै लिएर विभिन्न स्थानको सडक र नाला सरसफाइ गराउनु भएको हो ् । दुवै जना आफैले पनि सडकमा झाडु पनि लगाएका छन् । विर्ता चोक , मकालु चोक , कैलाश होटल चोक , घडीअर्वा , माइस्थान हुदै घण्टाघर सम्म पुगेर दुवै जनाले सडक र नाला सरसफाइ गराएका हुन् । यसका साथै सडक र सडक पेटिमा थुपारिएका गिट्टी बालुवा पनि महानगरका कर्मचारीबाट उठाउन लगाएका छन् । त्यस क्रममा वडा नम्बर ४ का वडा अध्यक्ष जगत साह कानु , वडा नम्बर ६ का वडा अध्यक्ष जयप्रकाश अग्रवाल, वडा नम्बर ९ का वडा अध्यक्ष जवाहर प्रसाद गुप्ता लगायतको पनि सहभागीता रहेको थियो ।