‘मंगेतर’लाई जेल पठाएकी इन्स्पेक्टर गिरफ्तार

काठमाडौँ, २२ जेठ । भारतको असम प्रहरीले एक महिला सब इन्स्पेक्टरलाई गिरफ्तार गरेको छ । यसअघि गत महिना उनले आफ्नै मंगेतरलाई ठगी गरेको आरोपमा गिरफ्तार गर्दै जेल पठाएकी थिइन् । असमको माजुली प्रहरीले सब इन्स्पेक्टर जनमोनी राभालाई आपराधिक षडयन्त्र गरेको तथा ठगी गरेको आरोप लगाउँदै प्रक्राउ गरेको हो । उनले जुन घटनामा आफ्नो मंगेतरलाई पक्राउ गरेकी थिइन्, त्यही घटनामा उनलाई दोषी देख्दै पक्राउ गरिएको हो ।उनलाई अन्य विभिन्न आरोप पनि लागेको असम प्रहरीले जनाएको छ ।उनले आफ्नै मंगेतरसँग मिलेर आपराधिक क्रियाकलाप गर्दै आउने गरेको बताइएको छ ।